Ágústráðstefnan 2020: Öll börnin okkar: Hvernig komum við til móts við fjölbreyttan nemendahóp? 

Þann 14. ágúst nk. verður haldin á höfuðborgarsvæðinu ráðstefna helguð þemanu Öll börnin okkar: Hvernig komum við til móts við fjölbreyttan nemendahóp?

Takið daginn frá!

Að þessum viðburði standa Samtök áhugafólks um skólaþróun í samvinnu við Kennarasamband Íslands og Samband sveitarfélaga á höfuðborgarsvæðinu.

Boðið verður upp á fyrirlestra, málstofur, vinnustofur og kynningar þar sem áhersla verður lögð á leiðir til að koma betur til móts við fjölbreyttan nemendahóp.

Meðal aðalfyrirlesara verður dr. Barbara Laster prófessor við Towson háskóla í Maryland. Erindi hennar heitir How do we make inclusion and diversity a reality in daily teaching? Edda Óskarsdóttir sérfræðingur við Evrópumiðstöð um nám án aðgreiningar fjallar um stöðuna hér á landi í samanburði við nágrannalönd okkar og veltir fyrir sér hvert skuli stefna.

Meðal annars efnis sem verður í boði:

Vinnustofa um möguleika snjalltækninnar við að koma til móts við fjölbreytta nemendahópa ‒ Kynning á stoðþjónustu í skólum sem hafa verið að þróa nýjar leiðir ‒ Málstofa um hvort til sé kennslufræði fyrir skóla menntunar fyrir alla ‒ Dagskrá um stöðumat fyrir ÍSAT nemendur ‒ Kynning á nýjum námskrám í ÍSAT fyrir leik- og grunnskóla og bent á leiðir sem hægt er að fara í námi og kennslu þessa hóps ‒ Vinnustofa um markmið og leiðir í samvinnunámi ‒ Kynning á samvinnunámskrá ‒ Sérfræðingakápan; leið til að koma til móts við fjölbreyttan nemendahóp ‒ Samvinnu og lausnaleit með Breakout EDU ‒ Læsisfimman og Stærðfræðiþrennan ­­‒ Umræða um geðræktarmál og málefni barna með alvarleg geðræn vandkvæði ‒ Listin að þróa námstækifæri og skólamenningu í leikskólum með hátt hlutfall fjöltyngdra barna ‒ Vinnustofur og málstofur í umsjón Félags sérkennara á Íslandi ‒ Málstofur og vinnustofur skipulagðar af Miðju máls og læsis

Félagsmenn í Samtökum áhugafólks um skólaþróun, sem og aðrir, eru hvattir til að senda undirbúningsnefnd ráðstefnunnar ábendingar um efni sem ástæða er til að kynna á ráðstefnunni (ingvars(hja)hi.is).

Leave a Reply