Allir snjallir í Kópavogi

Allir snjallir í Kópavogi. Síðustu fjögur ár hafa allir nemendur og kennarar í Kópavogi haft aðgang að spjaldtölvum til að nota í námi og kennslu. Kennsluráðgjafar og tæknistjóri segja frá því markverðasta og sýna dæmi um fjölbreytt og skapandi verkefni. Þátttakendur fá einnig að spreyta sig í gerð slíkra verkefna í spjaldtölvum sem verða á staðnum.

Vefur spjaldtölvuverkefnisins

Leiðbeinendur

 

Eyþór Bjarki Sigurbjörnsson er með B.Ed og M.Ed. gráður í náms- og kennslufræðum frá KHÍ og HÍ ásamt því að vera með gráðu í margmiðlunarhönnun. Hann hefur starfað við grunnskólakennslu í á annan áratug en síðustu fjögur árin hefur hann starfað sem kennsluráðgjafi í upplýsingatækni við menntasvið Kópavogs.

Kristín Björk Gunnarsdóttir er með B.Ed. og M.Ed. gráðu í náms- og kennslufræðum með áherslu á upplýsingatækni. Kristín hefur starfað sem kennsluráðgjafi í upplýsingatækni við menntasvið Kópavogs síðastliðin fjögur ár. Hún hefur langa reynslu af notkun upplýsingatækni í skólastafi bæði í Kópavogi sem annars staðar á landinu.

Logi Guðmundsson Er með B.Ed. gráðu í náms og kennslufræðum frá KHÍ og hefur starfað sem kennari og tölvuumsjónarmaður við Salaskóla í Kópavogi þar sem hann innleiddi Google Apps for Education á unglingastigi skólans. Hann starfaði við kennslu þar allt þar til hann tók við starfi Tæknistjóra spjaldtölvuverkefnis grunnskólanna í Kópavogi fyrir rúmu ári síðan.

Sigurður Haukur Gíslason er með B.Ed. og M.Ed. gráðu í náms- og kennslufræðum frá Menntavísindasviði HÍ af upplýsingatækni kjörsviði. Hann hefur starfað við grunnskólakennslu í á annan áratug en síðustu fjögur árin hefur hann starfað sem kennsluráðgjafi í upplýsingatækni við menntasvið Kópavogs.

Aftur á aðalsíðu ráðstefnunnar