Þann 13. ágúst nk. er stefnt að því að halda ráðstefnu sem helguð verður þemanu Öll börnin okkar: Hvernig komum við til móts við fjölbreyttan nemendahóp? Ráðstefnan verður í Norðlingaskóla í Reykjavík. Til stóð að halda ráðstefnuna í ágúst 2020 en henni var frestað vegna covid-19. Vonandi verður hægt að halda hana nú í ágúst.

Að ráðstefnunni standa Samtök áhugafólks um skólaþróun í samvinnu við Kennarasamband Íslands og Samband sveitarfélaga á höfuðborgarsvæðinu.

Boðið verður upp á fyrirlestra, málstofur, vinnustofur og kynningar þar sem áhersla verður lögð á leiðir til að koma betur til móts við fjölbreyttan nemendahóp. 

Ráðstefnan hefst með setningu kl. 9.00 og stendur til rúmlega 15.00

Aðalfyrirlesarar: 

• Aðalheiður Sigurðardóttir, stofnandi Ég er unik og samskiptaráðgjafi hjá Tröppu efh: Lyklarnir að bættum skóladegi; frásögn móður sem upplifði bætt lífsgæði dóttur sinnar á einhverfurófi með einstöku samstarfi við skólann.
• Anna Kristín Sigurðardóttir, prófessor við menntavísindasvið HÍ og Hermína Gunnþórsdóttir, prófessor við kennaradeild HA flytja erindi sem þær nefna sem Hvað er til marks um gæði í kennslu? Hvað gefur til kynna hvort kennari leitast við að koma til móts við þarfir allra nemenda sinna? sem  þær byggja á rannsókninni Gæði kennslu á Norðurlöndum.
• Edda Óskarsdóttir, lektor við menntavísindasvið HÍ sérfræðingur við Evrópumiðstöð, flytur erindi sem hún nefnir: Menntun fyrir alla: Hvert erum við komin? 
• Donata H. Bukowska, kennsluráðgjafi og sérfræðingur í skólaþróunarteymi mennta- og menningarmálaráðuneytisins: Á vegamótum framtíðarinnar. Tækifæri sem leynast á ótroðnum slóðum. Er ný menntastefna baggi eða … ?

Málstofur, vinnustofur, kynningar, stuttir fyrirlestrar:

Möguleikar snjalltækninnar við að koma til móts við fjölbreytta nemendahópa ‒ Stoðþjónusta í skólum sem hafa verið að þróa nýjar leiðir ‒ Er til kennslufræði fyrir skóla menntunar fyrir alla ‒ Stöðumat fyrir ÍSAT nemendur ‒ Markmið og leiðir í samvinnunámi ‒ Samvinnunámskrá ‒ Leiklist; leið til að koma til móts við fjölbreyttan nemendahóp ‒ Samvinnu og lausnaleit með Breakout EDU ‒ Læsisfimman og Stærðfræðiþrennan ‒ Leiðarvísir um stuðning við móðurmál og virkt fjöltyngi í skóla- og frístundastarfi ‒ Geðræktarmál og málefni barna sem þurfa stuðning ‒ Niðurstöður skýrslunnar: Menntun fyrir alla – horft fram á veginn sem kom út í júní 2019 á vegum mennta- og menningarmálaráðuneytisins ‒ Móttaka flóttabarna í íslenskum skólum ‒ Hvað getum við lært af rannsóknum á kennsluháttum og það hvernig við getum betur komið til móts við fjölbreytta nemendahópa? ‒ Rýnt í myndbönd úr kennslustundum í 8. bekk á Íslandi: Hvað má læra um gæði kennslu út frá markmiði kennslustundar, endurgjöf og vitsmunaleg áskorun ‒ Hvenær verða börn Íslendingar? Hver á að kenna þeim íslensku? ‒ Teymisvinna sem virkar ‒ Viðhorf foreldra ‒ Möguleikar kennslutækninnar –  Ævintýraferðir og útinám ‒  Gagnvirkt ferðalag um heim einhverfunnar ‒ Kynningar á þróunarverkefnum

Nánari upplýsingar um málstofur og vinnustofur

 

Opnað verður fyrir skráningu fljótlega – en þeir sem voru skráðir á ráðstefnuna í fyrra munu hafa forgang