Föstudaginn 28. nóvember var haldin ráðstefna þar sem kynntar voru niðurstöður rannsóknarinnar COVID-19 og framhaldsskólinn. Gagnasöfnun hófst strax vorið 2020 og stóð í meira en þrjú ár. Niðurstöðurnar veita mikilvægar upplýsingar um starfsaðstæður framhaldsskólakennara, bæði á farsóttartímum og í kjölfar þeirra, en varpa einnig ljósi á hugmyndir framhaldsskólafólks um nám og kennslu, sem og framtíð skólastigsins.
Ráðstefnan fór fram í Verzlunarskóla Íslands og stóð frá kl. 13.00-16.00.