Námstefnu um vettvangsnám og útikennslu í ágúst 2007

Námstefna um vettvangsnám og útikennslu
í Flataskóla í Garðabæ (og úti í náttúrunni!) 13.-14. ágúst 

Á morgnana báða dagana voru kynningar á áhugaverðum skólaþróunarverkefnum sem snerta útinám og -kennslu.

Meðal dagskráratriða má nefna:

  • Auður Pálsdóttir og Jakob Frímann Magnússon, Kennaraháskóla Íslands, fjölluðu um útikennslu / útinám í skólastarfi
  • Ólafur Oddsson, Skógrækt Reykjavíkur, sagði frá skólaþróunarverkefninu Lesið í skóginn
  • Ingibjörg Stefánsdóttir, Leikskólanum Álfheimum og Anna Borg, Leikskólanum Norðurbergi, fjölluðu um útinám í leikskólastarfi
  • Fjallað var um Náttúruskóla Reykjavíkur – stöðu hans og framtíðarsýn
  • Guðmundur Finnbogason, Norðlingaskóla, sagði frá hugmyndum um útieldun í heimilisfræði
  • Kennarar við Álftanesskóli kynntu rannsóknarverkefni um margæsir
  • Kennarar við Selásskóla fjölluðu um endurvinnslu og útkennslu
  • Ólafur Loftsson, formaður Kennarasambands Íslands, fjallaði um útilíf, valfag á unglingastigi
  • Kristín Einarsdóttir, Smáraskóla, fjallaði um verkefnið Á ferð
  • Fjallað var um stöðu og framtíðarsýn náms og kennslu í Fjölskyldu- og húsdýragarðinum
  • Hrafnhildur Sævarsdóttir, Sjálandsskóla, fjallaði um útikennslu í íþróttum
  • Guðríður Dóra Halldórsdóttir, Húsaskóla, sagði frá hugmyndum um útinám sem sóttar hafa verið til Tékklands

Eftir hádegi báða dagana voru vettvangsferðir að vali þátttakenda. Þessar ferðir voru undirbúnar:

  • Í Katlagil undir leiðsögn kennara í Laugarnesskóla en þar er 50 ára reynsla af útikennslu.
  • Björnslundur við Norðlingaskóla heimsóttur undir leiðsögn kennara við skólann.
  • Jarðfræðiferð að Búrfelli og í Búrfellsgjá með Valdimar Helgasyni aðstoðarskólastjóra Ölduselsskóla.
  • Starfsfólk Sjálandsskóla leiðbeindi um vettvangsnám við og á Arnarnesvogi (þar sem m.a. gafst kostur á kajaksiglingu).
  • Heimsókn í Fjölskyldu- og húsdýragarðinn þar sem leiðbeint var um fjölbreytt verkefni.

Námstefnugjald var kr. 3.500.- fyrir félagsmenn og kr. 5000 fyrir utanfélagsmenn. Til að halda kostnaði í lágmarki var miðað við að ferðir væru farnar á einkabílum og að ráðstefnugestir sjái sér fyrir hádegismat og ferðanesti. Kaffi var á boðstólum á báða morgnana.

Scroll to Top